最新消息
[四面楚歌 八月革命］ 王宗堯嘆公義難求 周家怡遭女總編霸氣宣戰
2016-05-26
由港視台前幕後原班人馬炮製的《導火新聞線》電影版，已鐵定於今個暑假、8月4日隆重上映。電影公司發佈了第二條全新宣傳片（《導火新聞線》電影版最新預告：
https://www.facebook.com/smartpostHK/videos/1741548756101381/），https://www.youtube.com/watch?v=3ZlNUSmsUr0
片中再現香港紙媒式微之況，「囧報」集團CEO莊雅源(張建聲飾)向代總編方凝(周家怡飾)說：「如果囧報真係做唔住嘅話，不如成份摺咗去。」面對夕陽報業，從紙媒走上網媒之路的方凝內憂未平，外患又起，其中一幕出現來自台灣的「閃報」女總編(余思潞飾)為贏hit rate，霸氣踩車頂向方凝宣戰：「『囧報』代總編輯方凝小姐，今天我就要從頭贏到尾！」
宣傳片又劇透吳孟達因為戲中女兒被姦殺卻無法懲治兇徒，因而脅持人質及炸電視台，達哥在片內大叫：「點解佢殺咗我個女，我都唔可以告佢？我要幫個女攞番個公道！」意味司法漏動之餘，亦涉官員包庇；而另一場戲有一名女高官表態，「我哋係唔會受任何暴力要脅，去答應任何無理要求。」真相、公義、juicy之間充斥的矛盾，令方凝深思──「其實我哋要贏啲咩呢？」
「達哥戲中嘅case包含住司法上嘅一啲問題，時代嘅轉變係需要去對一啲制度或司法上作出修改，呢個戲會有探討，當然司法一定要係公義，我覺得呢個戲係講現在社會議題，由呢啲議題去宏觀番成個社會或者成個制度發生緊咩事，所以我覺得《導火》係個好難得同好貼地嘅電影。」周家怡說。
向來關心社會的王宗堯(Greg)，心痛紙媒愈來愈少，亦知道有記者朋友要轉行謀生，他覺得除了傳媒生態有變之外，現在做傳媒確不容易。對於片中反映司法漏動，Greg亦有感而發：「我哋見有啲高官現實生活牽涉好多案件，甚至有啲敏感人物當觸犯法例，而唔係法律面前人人平等，變相有互相包庇嘅時候，其實香港作為一個有自己獨立司法制度啲地方，到底有冇辦法、有一個法律去保障每一個人有公平嘅對待呢？呢啲都係令人好擔心。」.jpg)